అమరావతి:
టీడీపీ జాతీయ ప్రధాన కార్యదర్శి నారా లోకేష్ జనసేన అధినేత పవర్ స్టార్ పవన్ కళ్యాణ్‌కు ప్రత్యేకంగా శుభాకాంక్షలు తెలిపారు. త్వరలో విడుదల కానున్న “OG” (Original Gangster) సినిమాపై లోకేష్ చేసిన ట్వీట్ ఇప్పుడు సోషల్ మీడియాలో వైరల్ అవుతోంది.
లోకేష్ తన ట్వీట్‌లో ఇలా పేర్కొన్నారు:
“#OG అంటే Original Gangster. మా పవన్ అన్న అభిమానులకు మాత్రం Original God. పవర్ స్టార్ ఫ్యాన్స్ ఎప్పుడెప్పుడా అని ఎదురుచూస్తున్న #OG సినిమా విడుదల సందర్భంగా పవన్ అన్నకు శుభాకాంక్షలు. సినిమా సూపర్ హిట్ కావాలని మనస్ఫూర్తిగా కోరుకుంటున్నాను.” అని రాశారు.
పవన్ కళ్యాణ్ రాజకీయాల్లో సత్తా చాటుతున్నప్పటికీ, సినిమా రంగంలో ఆయనకు ఉన్న క్రేజ్ వేరే అని నారా లోకేష్ ఈ ట్వీట్ ద్వారా స్పష్టంగా చూపించారు. ఈ సందేశం పవన్ అభిమానుల్లో ఆనందాన్ని నింపింది.
ఇక పవర్ స్టార్ నటిస్తున్న ‘OG’ చిత్రం ఇప్పటికే టీజర్లు, ట్రైలర్లతో భారీ అంచనాలను రేపింది. అభిమానులు ఈ సినిమా విడుదల కోసం ఉత్కంఠగా ఎదురుచూస్తున్నారు. లోకేష్ చేసిన ఈ ట్వీట్ మాత్రం అభిమానుల్లో మరింత ఉత్సాహం నింపినట్టే అనిపిస్తోంది.
About the Author
