Ramya krishna
రమ్యకృష్ణ బాహుబలి పాత్రను మొదట్లో అంత సీరియస్‌గా తీసుకోలేదట!
ప్రపంచవ్యాప్తంగా ప్రేక్షకులను ఆకట్టుకున్న “బాహుబలి” సినిమాలో శివగామిగా ప్రేక్షకుల గుండెల్లో చిరస్థాయిగా నిలిచిపోయిన రమ్యకృష్ణ ఇటీవల ఓ ఇంటర్వ్యూలో తన అనుభవాలను పంచుకున్నారు.
ఆమె తెలిపిన వివరాలు అభిమానులను ఆశ్చర్యపరిచే విధంగా ఉన్నాయి.
“మొదట్లో అంత సీరియస్‌గా తీసుకోలేదు”
రమ్యకృష్ణ వెల్లడించినట్లుగా, మొదట్లో ఆమె బాహుబలి సినిమాలో నటించడానికి పెద్దగా ఉత్సాహం చూపలేదట.
ఆ సమయంలో ఆమె మరొక ప్రొడక్షన్‌లో బిజీగా ఉండటం, అలాగే తన కుమారుడు చాలా చిన్నవాడిగా ఉండటం వల్ల ఈ ఆఫర్‌కి పెద్ద ప్రాధాన్యత ఇవ్వలేదని చెప్పింది.
“నా భర్తే నన్ను ఒప్పించాడు”
ఆ సమయంలో రమ్యకృష్ణకు సినిమాను చేయమని ఒత్తిడి చేసింది ఆమె భర్త రాజా కృష్ణమూర్తి అని ఆమె చెబుతుంది.
“అది పెద్ద బడ్జెట్ సినిమా, రాజమౌళి దర్శకత్వం — నువ్వెందుకు సందేహిస్తున్నావ్?” అని ఆయన అడిగినప్పుడు తాను ఆలోచించిందట.
ఆ మాటలు విన్న తర్వాతే ఆమె సినిమా గురించి మరింత సీరియస్‌గా ఆలోచించడం మొదలుపెట్టిందని చెప్పింది.
రాజమౌళి చెప్పిన సీన్‌నే మలుపు!
తరువాత దర్శకుడు ఎస్‌.ఎస్‌. రాజమౌళి ఆమె పాత్రకు సంబంధించిన ఇంట్రడక్షన్ సీన్‌ను వివరంగా చెప్పినప్పుడు రమ్యకృష్ణ పూర్తిగా ఒప్పుకుందట.
ఆ సీన్ వినగానే ఇది సాధారణ సినిమా కాదని, తన కెరీర్‌లో మలుపు తిప్పే ప్రాజెక్ట్ అని అర్థమైందని వెల్లడించింది.
“ఇది ల్యాండ్‌మార్క్ సినిమా అవుతుందని అప్పుడు తెలిసింది”
షూటింగ్ మొదలైన కొద్ది రోజులకే బాహుబలి సినిమా ఎంత గొప్పదో తాను గ్రహించిందని రమ్యకృష్ణ తెలిపింది.
“ఆరంభం నుంచే ఈ సినిమా ఒక ల్యాండ్‌మార్క్ అవుతుందని, నా కెరీర్‌లో ఐకానిక్ రోల్ అవుతుందని తెలిసింది” అని ఆమె అన్నారు.
శివగామి — రమ్యకృష్ణకు శాశ్వత గుర్తింపు
బాహుబలిలో శివగామి పాత్ర రమ్యకృష్ణకు అసలు కొత్త హైట్ ఇచ్చింది.
ఆ పాత్రలోని శక్తి, ఆత్మవిశ్వాసం, తల్లితనం — ఇవన్నీ కలిపి ఆమెను మరోసారి స్టార్‌గా మార్చాయి.
ఈ రోజు కూడా ప్రేక్షకులు ఆమెను “శివగామి” అని పిలవడం ఆమె నటనకు పెద్ద గుర్తింపు.
About the Author
